ಕುಡುತ್ತ ಸಾರ್
ಪುದರ್ | ಕುಡು ಸಾರ್l |
---|---|
ಬಗೆ | ಸಾರ್ |
ಪುಟ್ಟಿ ದೇಸೊ | ಭಾರತ |
ರಾಜ್ಯೊ | ಕುಡ್ಲ, ಉಡುಪಿ |
ಬೋಡಾಯಿ ವಸ್ತುಲು | ಕುಡು |
ಕುಡುತ್ತ ಸಾರ್ ಬಾರೀ ರುಚಿತ್ತ ಅಂಚನೇ ಆರೋಗ್ಯಕರವಾಯಿನ ಸಾರ್. ದಾಯೆ ಪಂಡ ಕುಡುಟ್ಟ್ ಪ್ರೋಟಿನ್ ದ ಅಂಸ ಮಸ್ತ್ ಉಂಡು.[೧] ಅಂಚ ಇತ್ತನೈರ್ದಾವರ ಚರ್ಮರೋಗ , ಚರ್ಬಿ ಕರವರೆ, ಪೊಂಜೊವ್ಲೆನ ತಿಂಗೊಲ್ದ ಕೊದಿ, ಸಕ್ಕರೆ ಕಾಯಿಲೆಲೆಗ್ ಮಸ್ತ್ ಉಪಯೋಗ ಆಪುಂಡು.[೨]ತುಳುನಾಡ್ ಡ್ ಪ್ರತಿ ಇಲ್ಲಡ್ ಲಾ ಕುಡುತ್ತ ಸಾರ್ ದ ಕಮ್ಮೆನ ಬರ್ಪುಂಡು . ಅವತ್ತಂದೆ ಆಟಿ ತಿಂಗೊಲ್ ಡ್ ವಿಸೇಸವಾಯಿನ ತೆನಸ್ ಲೆನ್ ಮಲ್ಪುನಗ ನೆತ್ತ ಸಾರ್ ನ್ಲಾ ಮಲ್ಪುವೆರ್.
ಬೋಡಾಯ್ನ ಸಾಮಾನುಲು[ಸಂಪೊಲಿಪುಲೆ]
- (ಬೊದುಲ್ಪಾದಿನ)ಕುಡು - ೨ ಕಪ್
- ಒಗ್ಗರಣೆ ಪಾಡ್ಯರೆ ಎಣ್ಣೆ - ೨ ಚಮ್ಚ.
- ದಾಸಿಮಿ - ಅರ್ದ ಚಮ್ಚ.
- ಬೊಲ್ಲುಲ್ಲಿ - ೪/೫ ಅರಿ.
- ಕೆಂಪು ಮುಂಚಿ - ೩
- ಬೇವಿರೆ
- ನೀರುಳ್ಳಿ , ಟೊಮೆಟೊ - ೧.
- ಇಂಗ್ , ಉಪ್ಪು , ನೀರ್.
- ತಾರಾಯಿದ ಪೂ ಪೆರೆದಿನ .
- ಉಪ್ಪು.
- ಪುಳಿ.[೩]
ಮಲ್ಪುನ ವಿದಾನೊ[ಸಂಪೊಲಿಪುಲೆ]
ಬಾಣಲೆಡ್ ಒಗ್ಗರಣೆ ದೀದ್ ಅವೆಕ್ಕ್ ಮುಂಚಿ ಸಾಮಾನ್ , ತಾರಾಯಿ ಪಾರ್ದ್ ಪೊತ್ತುದು ಕಡೆವೊಡು . ಕಡೆದ್ ಬೊಕ್ಕ ಕುಡೊಂಜಿ ಬಾಜನೊಡು ಒಗ್ಗರಣೆ ದೀದ್ ಮೂರ್ದಿನ ನೀರುಳ್ಳಿ , ಟೊಮೆಟೊ ಪಾರ್ದ್ ಅವ್ ಕಾಯಿಬೊಕ್ಕ ದುಂಬುನಾನಿ ಬೊದುಲ್ಪಾದಿನ ಕುಡುನು ಪಾರ್ದ್ ೫/೬ ಲೋಟೆ ನೀರ್ , ರುಚಿಗ್ ಉಪ್ಪು, ಚೂರು ಪುಳಿ ಪಾರ್ದ್ ಬೈಪಾವೊಡು(ಕುಡು ಬೇಗ ಬೈಯಂದಿನೈರ್ದಾವರ ಮಸ್ತ್ ಪೊರ್ತು ತಾಗುಂಡು , ಅವ್ವೇ ಕುಕ್ಕರ್ ಡ್ ದೀಂಡ ೭/೮ ಸಿಟಿ ದೆಪ್ಪೊಡಾಪುಂಡು). ಕುಡುತ್ತ ಸಾರ್ ತಯಾರಾಯಿ ಬೊಕ್ಕ ಬೋಡು ಪಂಡ ಒಗ್ಗರಣೆ ಪಾಡೊಲಿ.
ಬೇತೆ ಬಾಸೆಲೆಡ್ ಕುಡುತ್ತ ಸಾರ್[ಸಂಪೊಲಿಪುಲೆ]
ಆರೋಗ್ಯಗಾಪಿನ ಉಪಯೋಗೊಲು[ಸಂಪೊಲಿಪುಲೆ]
- ಪೊಂಜೊವ್ಲೆನ ತಿಂಗೊಲ್ದ ಕೊದಿತ್ತ ಸಮಸ್ಯೆಲೆಗ್ .
- ಕರ್ಬದಂಸ, ಕ್ಯಾಲ್ಸಿಯಂ, ಪ್ರೋಟೀನ್ ಇತ್ತಿನೈರ್ದಾವರ ಎಲುಕ್ಕ್ ಲಾ ಎಡ್ಡೆ.
- ಚರ್ಬಿ ಕರವರೆ.[೬]
ಉಲ್ಲೇಕೊಲು[ಸಂಪೊಲಿಪುಲೆ]
- ↑ "Horse Gram Health Benefits and Ways to Cook the Gram". Medindia. Retrieved 16 July 2022.
- ↑ "Horse Gram (A Super Food): 11 Amazing Benefits". isha.sadhguru.org.
- ↑ https://hebbarskitchen.com/huruli-saaru/
- ↑ "Hurali Saaru | Horse Gram Sambar". Spicytamarind (in ಆಸ್ಟ್ರೇಲಿಯನ್ ಇಂಗ್ಲಿಷ್). 30 October 2021. Retrieved 16 July 2022.
- ↑ "Horse Gram Recipe In Hindi – NewRecipeInHindi.in". Retrieved 16 July 2022.[dead link]
- ↑ "Horse Gram (A Super Food): 11 Amazing Benefits". isha.sadhguru.org. Retrieved 16 July 2022.